Oorlog, bom, masjiengeweer. Tenk, missiel en bolle rook, ... sal môre dan verloop? Dis die refrein van die sowat twintig Siriese seemanne wat Loffie in Richardsbaai ontmoet, se stories.

Gregori  is  'n  derde  offisier  aan  boord  die PACIFIC  ANGEL*.  In geradbraakte Engels knoop hy met Danie 'n geselsie aan as hy die Russiese Bybels herken wat in die eetsaal uitgepak is.

Dis soos die perfekte storm, verduidelik die Filippynse man aan Nico.  Dis asof die heelal se elemente saamsweer om 'n fenomeen te weeg te bring wat verwoesting kan saai.  Daar is net niks wat gespaar word nie.

Vroeg Vrydagoggend kry ek die WhatsApp boodskap.  Ses seemanne is dood in 'n ongeluk in Durban hawe.  Ek het geen idee wat gebeur het nie en Google gou wat aangaan.  Tot my skok sien ek dat ek die skip baie goed ken.